خُوش آمدید

 بِسْمِ اللَّهِ الرَّحْمَٰنِ الرَّحِيمِ

ڳالھ ایہ ہے جو ساݙی سرائیکی زبان، ٻہُوں مِٹّھی زبان ہے۔ اِیں حقِیقت کنُوں کُوئی اِنکار نَئِں کر سڳدا  جو ایہ تقرِیبًا کروڑہا عوام دی دِلی زبان ہے۔ اسّاں سارِئیں کُوں اپݨی مادری زبان نال ٻہُوں پیار ہے۔ اسّاں اپݨی زبان وِچ لِکَّھݨ پڑَھݨ تاں چاہندے ہَیں، پر ساکُوں اِہجے موقعے ٻہُوں گھٹ مِلدِن۔

کُجھ عرصے کنُوں مُختلف لوک مختلف طرِیقِئیں نال اپݨی مادری زبان دی خِدمت پئے کریندِن۔ نہ صِرف اخباریں، رِسالِئیں اتے کِتابیں دی صُورت وِچ، بلکہ آڈیو، ویڈیو، ریڈیو اتے ٹی وی چَینلز دی صُورت وِچ وی۔  اسّاں وی سرائیکی زبان دی ترقّی اتے تروِیج وِچ اپݨا حِصَّہ شامِل کرَݨ واسطے سرائیکی دی ایہ وَیب سائِیٹ تُہاݙی خِدمت وِچ پیش پئے کریندے ہَیں تاں جو ساݙی سرائِیکی زبان دِیاں ٻہُوں سارِیاں نادِر و نایاب چِیزاں ہِکّی جاہ تے کَٹھیاں تھی ونڄن۔

saraiki literature language culture
Share